Vrba opsekača
Stara vrba opsekača
tam kre Drave drema
vmrla so je zdavnja brača
a ni deco nema.
Njezine so mlade grane
sako leto sekli
neboš k nebu nigdar zrasla
kak da so jeli rekli
Leta so jo sakatili
so mladost je zeli
nigdar ništ so ne platili
još so jo i kleli.
Trpela je leta moke
skončati se neje dala
dospela je v prave roke
z Zagreba fiškala.
Još kak dečec razigrani
rad je vrbe gledel
ve je baš to staro zebral
kaj bo pod njom sedel.
Nepravdo bo nadoknadil
kaj da ji je brat
staro bo je koro gladil
i imal jo rad.
Miroslav Betlehem,
ožujak 2007.
